У апошнія гады Варшава стала домам для ўсё большай колькасці беларусаў, што натуральным чынам паўплывала на кулінарны краявід сталіцы. У горадзе з’яўляецца ўсё больш установаў, звязаных з беларускай дыяспарай: некаторыя прапануюць традыцыйныя стравы, іншыя вабяць вытанчанымі кулінарнымі пачастункамі. Ніжэй прадстаўлены агляд мясцін, дзе можна пакаштаваць гэтыя асаблівыя стравы і прыемна правесці час.
Бар Karma (Karma Crew)
Калі вы шукаеце месца, дзе часта збіраюцца беларусы, а атмасфера напоўненая незвычайнымі і стылёвымі асобамі, вам абавязкова варта завітаць у бар «Karma». Гэта маладзёжная, хіпстарская прастора ў стылі «ruin bar» – сцены ўпрыгожаныя графіці, плакатамі, налепкамі і фатаграфіямі. Гісторыя «Karmy» пачынаецца ў Мінску, у 2021 годзе бар спачатку пераехаў у Кіеў, а потым у Варшаву.
Нягледзячы на сціплы памер, унутры ёсць невялікі танцпол, дзе час ад часу выступаюць артысты і дыджэі. Дадатковай перавагай з’яўляецца вулічная пляцоўка пад аўтамабільным мостам – ідэальнае месца для летняга адпачынку. У меню – нядорагія кактэйлі і разнастайныя закускі: хот-догі, стравы з печанай бульбы, а таксама пачастункі мексіканскай кухні.
Адрас: Aleja 3 Maja 15. У будныя дні бар адкрываецца ў 18:00, у выхадныя ў 16:20 і працуе да позняй ночы.
BackDoor Bar
BackDoor Bar – установа, якая «пераехала» з Беларусі: раней яна працавала на вуліцы Кастрычніцкай у Мінску, а цяпер прымае гасцей па адрасе ul. Chmielna 7/9 у Варшаве. Асноўная спецыяльнасць – бургеры (у тым ліку вегетарыянскія), бульба фры і начос, якія выдатна спалучаюцца з крафтавым півам. У меню таксама ёсць кактэйлі, віны, лікёры і аперытывы.
Бар славіцца вялікай колькасцю мерапрыемстваў: тут ладзяцца стэндап-шоу, дыджэйскія вечарыны, спартыўныя трансляцыі і віктарыны. Гадзіны працы: з панядзелка па чацвер – з 17:00 да 00:00, у пятніцу з 17:00 да 02:00, у суботу з 15:00 да 02:00, у нядзелю з 15:00 да 00:00.
Beer Station
Beer Station – сетка бараў, арыентаваных на вясёлае баўленне часу. Установы знаходзяцца па адрасах: Lwowska 17, Ząbkowska 5 і Aleja Komisji Edukacji Narodowej 47. Акрамя разнастайнага крафтавага піва, тут можна пакаштаваць беларускія стравы – дранікі, рэбры, пельмені. Часта выступаюць беларускія музыканты, праходзяць стэндап-шоу, рамесныя кірмашы, турніры па бір-понгу, а таксама майстар-класы па беларускіх народных танцах з жывою музыкай.
Бары па адрасах Narodowa 47 і Lwowska 17 працуюць штодня, акрамя панядзелка. Першы – з 15:00 да 01:00, другі – з 14:00 да 01:00. Установа на Ząbkowska 5 адкрыта сем дзён на тыдзень з 15:00 да 01:00.
Gigi
Бар Gigi быў адкрыты беларускай парай і спецыялізуецца на кактэйлях з джынам і тонікам. Небесна-блакітны колер тоніку надае інтэр’еру халодную, элегантную атмасферу. Месца славіцца высокай якасцю інгрыдыентаў як у напоях, так і ў стравах. Сярод арыгінальных закусак – тартары з тунца і ласося (апошні падаецца з тоўстым слоем ікры), а таксама карпаччо, севичэ і лёгкія закускі.
Бар размешчаны недалёка ад турыстычнага цэнтра Варшавы па адрасе Oboźna 9. Адкрываецца штодня ў 17:00. З аўторка да чацвярга і ў нядзелі працуе да паўночы, а ў пятніцу і суботу – да 2:00.
The morning after the night before
Пад гэтай інтрыгуючай назвай хаваецца канцэпт уладальнікаў Gigi. Удзень установа працуе як утульны рэстаран, дзе падаюць, напрыклад, салату з васьмінога, а ввечары ператвараецца ў кактэйль-бар – тут можна замовіць стэйк з тунца ў трюфелікавым соўсе. Меню больш вытанчанае, а цэны адлюстроўваюць высокую якасць страў. У асартыменце шырокі выбар алкаголю: розныя кактэйлі і віны.
Рэстаран адкрываецца ў 8:00. З панядзелка па чацвер працуе да 23:00, у пятніцу і суботу – да 01:00, а ў нядзелю – да паўночы.
Scena Chmielna
Scena Chmielna – прасторны караоке-бар з вялікай колькасцю столікаў, сцэнай і танцпляцоўкай. Кошт напояў і кактэйляў тут умераны, часта дзейнічаюць акцыі, напрыклад «два па цане аднаго». З ежы можна замовіць чабурэкі, пельмені або buretty (простыя, сытныя італьянскія сендвічы-закускі). Перыядычна ладзяцца стэндап-шоу і канцэрты. Акрамя таго, тут можна пакурыць кальян.
Бар знаходзіцца па адрасе Nowy Świat 27A і працуе штодня з 16:00 да 02:00.
MIXX PUB
Адкрыты ў 2024 годзе MIXX PUB па адрасе Ząbkowska 38 напэўна прыйдзецца даспадобы аматарам спорту: тут паказваюць футбольныя матчы і гонкі Формулы-1. Галоўны матыў – бургер, які можна ўбачыць нават у выглядзе насценнага роспісу. Цэны на бургеры пачынаюцца ад трохі больш за 30 злотых. Акрамя іх, у меню ёсць і класічныя піўныя закускі (бульба фры, цыбульныя кольцы, сухарыкі, курыныя стрыпсы, кальмары, сырныя палачкі), а таксама салаты, супы, стэйкі і дэсерты. Алкаголь прадстаўлены нядорагім півам, віном і моцнымі напоямі.
MIXX PUB адкрываецца штодня ў 12:00. З панядзелка па чацвер працуе да 23:00, у пятніцу і суботу – да паўночы, а ў нядзелю – да 22:00.
На падст. mostmedia.io
Фота: pixabay