З-за вайны шмат украінцаў вымушаныя былі прыехаць у Польшчу і хутка адаптавацца да новых умоў. Уласная справа часта становіцца найбольш эфектыўным шляхам да фінансавай незалежнасці і стабільнасці ў жыцці. Менавіта таму Польскі Чырвоны Крыж сумесна з Іспанскім Чырвоным Крыжам запусцілі праграму «Новы старт». Мэта праграмы — падтрымка ўцекачоў з Украіны ў адкрыцці ўласнага бізнесу ў Польшчы.
Праграма прапануе рэальную дапамогу — удзельнікі могуць атрымаць безваротны грант да 17 100 злотых, прайсці бясплатнае навучанне, падрыхтавацца да вядзення бізнесу ў польскіх юрыдычных і падатковых умовах, а таксама зарэгістраваць сваю дзейнасць. Гэта дазваляе пакрыць першыя выдаткі, легалізаваць даходы і пабудаваць стабільныя пазіцыі на рынку.
Праграма адрасавана грамадзянам Украіны ва ўзросце ад 18 да 65 гадоў, якія маюць дзейны статус PESEL UKR і зарэгістраваны ў праекце PCK «Livelihood». Умова ўдзелу — план адкрыць індывідуальную прадпрымальніцкую дзейнасць на тэрыторыі Польшчы, гатоўнасць прайсці абавязковае навучанне і падрыхтаваць бізнес-план.
Грант можа быць выкарыстаны, у прыватнасці, на набыццё абсталявання, мэблі, транспартных сродкаў для бізнесу, ліцэнзійнага праграмнага забеспячэння, сыравіны ці запасаў тавараў. Да 25% бюджэту можна выдаткаваць на арэнду памяшкання або аплату прафесійных паслуг, напрыклад, маркетынгу або бухгалтэрыі.
Працэс падачы заяўкі пачынаецца з запаўнення простай онлайн-формы, пасля чаго ўдзельнікі праходзяць анлайн-курс. Пасля завяршэння навучання яны рыхтуюць дакументацыю, у тым ліку бізнес-план, і падаюць яе ў аддзяленне PCK. Пададзеныя праекты ацэньвае незалежная камісія, якая правярае іх рэнтабельнасць і сацыяльную значнасць. Пасля станоўчага рашэння сродкі пералічваюцца на рахунак, і ўдзельнік можа афіцыйна зарэгістраваць сваю фірму.
Кантактная інфармацыя і карысныя спасылкі:
📧 E-mail: dotacje@pck.pl
📞 Тэлефон: +48 570 639 212
ℹ️ Больш падрабязна пра праграму: pck.pl/co-robimy/nowy-start
📝 Форма рэгістрацыі: forms.office.com/e/A2JsEWqxWP
📷 Фота: pixabay