Урад у супрацоўніцтве з Міністэрствам унутраных спраў і адміністрацыі плануе істотныя змены ў правілах набыцця польскага грамадзянства. Асноўная прапанова — павелічэнне мінімальнага перыяду бесперапыннага пражывання замежніка ў Польшчы з трох да дзесяці гадоў.
Гэтыя змены з’яўляюцца адказам на рост іміграцыі, асабліва з боку грамадзян Украіны, і намаганнем гарманізаваць польскае заканадаўства з больш строгімі стандартамі, якія дзейнічаюць у іншых краінах Еўропы. Як падкрэсліў намеснік міністра ўнутраных спраў праф. Мацeй Душчык, Польшча мае адны з самых ліберальных правілаў прадастаўлення грамадзянства.
Важна: асобы польскага паходжання, у тым ліку ўладальнікі Карты паляка, змогуць і надалей атрымліваць грамадзянства пасля аднаго года легальнага пражывання ў Польшчы на падставе дазволу на сталае жыхарства, атрыманага ў сувязі з польскім паходжаннем.
Акрамя павелічэння патрабаванага перыяду пражывання, праект прадугледжвае павышэнне аплат:
- за падачу заяўкі на прызнанне або наданне грамадзянства — да 1669 злотых;
- за пацвярджэнне наяўнасці грамадзянства — з 58 да 277 злотых.
Новыя правілы будуць узгоднены з абраным на будучых выбарах прэзідэнтам, бо менавіта ён мае паўнамоцтвы надаваць грамадзянства. Урад плануе прадставіць поўную рэформу восенню 2025 года.
На дадзены момант польскае грамадзянства можна атрымаць двума спосабамі:
- Праз прызнанне ваяводам — пры выкананні пэўных умоў, у тым ліку па даўжыні пражывання;
- Праз наданне Прэзідэнтам Рэспублікі Польшча — у выключным парадку, нават без пражывання ў Польшчы.